Donald Trump pritet të nënshkruajë një urdhër ekzekutiv që do të largojë trupat ushtarakë transgjinorë nga forcat e armatosura amerikane që në ditët e tij të para në detyrë.
Presidenti i zgjedhur raportohet se po përgatitet të lëshojë një urdhër pas inaugurimit të tij më 20 janar, i cili në mënyrë efektive do të ndalonte personat trans që shërbejnë në ushtri – dhe më pas do të shkarkonte mijëra ushtarë trans, sipas The Times.
Në mandatin e tij të parë në detyrë, Trump deklaroi se SHBA-ja nuk do të “pranonte apo lejojë” më personat trans në ushtri, duke përmendur “kosto të jashtëzakonshme mjekësore dhe përçarje”, shkroi ai në 2017. Ndalimi hyri në fuqi në 2019.
Presidenti Joe Biden e ndryshoi atë politikë , e cila ishte objekt i disa padive. Tani, Trump pritet të anulojë menjëherë urdhrin e Biden dhe të shkojë më tej duke dëbuar trupat trans që aktualisht shërbejnë. Veprimi ekzekutiv është midis një grumbulli urdhrash që presidenti i zgjedhur po planifikon të lëshojë sapo të rihyjë në Shtëpinë e Bardhë , duke përfshirë veprime gjithëpërfshirëse mbi emigracionin.
Discussion about this post