Ajo që pritej prej ditësh me ankth në zyrat e qeverive të Perëndimit dhe Bashkimit Evropian, sapo ndodhi. Presidenti Donald Trump lajmëroi tërheqjen e Shteteve të Bashkuara nga marrëveshja bërthamore me Iranin. Kjo marrëveshje mes Republikës Islamike u arrit tre vite të shkuara nga Presidenti Obama dhe përfundoi sot, përmes firmosjes së dekretit presidencial në Shtëpinë e Bardhë.
Me këtë akt, Presidenti Trump e ka veçuar SHBA, nga vendet e tjera aleate si Britania e Madhe, Franca dhe Gjermania të cilat janë për vazhdimin e marrëveshjes me Iranin.
“SHBA do të tërhiqet nga marrëveshja bërthamore me Iranin sepse ky vend nuk e ka respektuar atë në lidhje me reduktimin e programit të vet të pasurimit bërthamor. Vetëm pas pak do të firmos dekretin presidencial të tërheqjes.
Marrëveshja me Iranin është difektoze, ajo nuk ka funksionuar. Nëse marrëveshja vijon, arsenali bëerthamor i Iranit do të rritet. Ndërkohë që kishte nënshkruar marrëveshje, Irani ka rritur me 40% buxhetin për armatimin dhe ushtrinë e vet.
Ne do të propozojmë marrëveshje të re me Iranin. Në marrëveshjen e re, sanksione të ashpra do të vendosen ndaj tij.” – ka qenë ky thelbi i deklaratës së Presidentit Donald Trump përpara mediave pak minuta më parë, në Shtëpinë e Bardhë.
Deklarata e plotë e Presidentit Donald Trump:
Watch Live: Trump Makes Announcement on Iran Deal
President Trump will announce his decision on Tuesday.
(E.L./Faxweb)
Discussion about this post