Presidenti i ri amerikan Donald Trump, ka vendosur sanksione ndaj Iranit pak ditë pasi ky shtet testoi një raketë balistike. Nga këto sanksione do të preken 13 individë dhe dhjetëra kompani në Iran.
Në deklaratën zyrtare të Departamenti Amerikan të Thesarit, shkruhet se testimi i raketës balistike përbën një kërcënim për stabilitetin rajonal dhe botëror.
Ndërkohë, pas qarkullimit të këtij lajmi, Trump postoi në Twitter një shkrim ku shpreh pakënaqësinë ndaj ish-presidentit Barack Obama.
“Irani po luan me zjarrin. Ata nuk po e vlerësojnë se sa i sjellshëm ishte Presidenti Obama me ta. Por jo unë!” shkruhet në postimin e Trump.
Lidhur me këtë lajm ka reaguar edhe përgjegjësi për digasterin e sanksioneve John Smith, i cili në një deklaratë për mediat u shpreh se mbështetja e Iranit për organizatat terroriste si dhe zhvillimi i projekteve për armët përbëjnë një kërcënim serioz për stabilitetin e rajonit të Lindjes së Mesme, për partnerët globalë të Uashingtonit, por edhe për Shtetet e Bashkuara.
Deri më tani, Irani nuk ka bërë asnjë reagim lidhur me vendosjen e sanksioneve. (D.D/Shuplaka)
Discussion about this post