Presidenti Donald Trump ka habitur me vendimin e tij të fundit. Ai ka shkarkuar nga detyra këshilltarin e tij kryesor Steve Bannon, që e ndihmoi të fitonte zgjedhjet për president të SHBA-së.
Të premten Presidenti Trump u tha zyrtarëve të lartë të Shtëpisë së Bardhë se kishte vendosur ta shkarkonte nga puna kryestrategun e tij, Steve Bannon.
Gjatë këtyre muajve thuhet Bannon se kishte patur kortradikta me figura të tjera të fuqishme në ekipin e ndihmësve të Presidentit.
Steve Bannon që njihet për shpirtin e tij luftarak, tha se ai është përplasur çdo ditë në Shtëpinë e Bardhë për të avancuar pikëpamjet e tij radikale lidhur me tregëtinë në kuadër të motos “Amerika e para”.
Gjatë një konference shtypi mbajtur këtë javë, presidenti Trump e vlerësoi zotin Bannon si një “person të mirë” dhe jo-racist, por ai shtoi se “mbetet për t’u parë se çfarë do të ndodhë me të”.
Megjithatë sipas The Neë York Times, Bannon ka këmbëngulur se largimi nga Shtëpia e Bardhë kishte qenë ide e tij. (B.H/Shuplaka)
