Donald Trump nëpërmjet një postimi në ‘Twitter’ ka sulmuar hapur presidentin e televizionit amerikan CNN, duke deklaruar se kjo media shkruan lajme të padrejta, “lajme të rreme” për të.
“Urrejtja dhe paragjykimi ekstrem i CNN-it ndaj meje i ka errësuar gjykimin dhe e ka bërë këtë organizate mediatike të paaftë të funksionoje”, ka deklaruar Trump.
“Unë thjesht nuk mund të deklaroj mjaftueshëm se sa krejtësisht i pandershëm është shumica e mediave. E vërteta nuk ka rëndësi për ta, ata kanë vetëm urrejtjen dhe agjendën e tyre.Kjo përfshin artikuj të rreme, të cilat dalin për mua gjatë gjithë kohës, gjithmonë burime anonime, dhe janë fantazi të pastër. Armiku i Popullit!”
Nga ana tjetër kanali televiziv nuk I është përgjigjur deri më tani mesazheve të drejtpërdrejta të Trumpit, po ka preferuar të deklarojë se ka besimin e qytetarëve, duke thënë se vetëm për muajin gusht ka pasur 707,000 shikues.
Trump është ankuar për një kohë të gjatë prej CNN-it, duke insistuar se ai tregohet i pandershëm dhe i fokusuar vetëm tek axhenda e vet. Ne raundin e dytë të mesazheve po në të njëjtën platforme sociale, Trump fshikulloi edhe NBC News.
(E.V/Faxweb.al)
