Duket se konflikti në distancë mes SHBA-së dhë Koresë së Veriut sa vjen dhe bëhet më serioz, pasi tha më parë se të gjitha opsionet janë në tavolinë, sot Trump ka bërë një tjetër deklaratë të fortë ku ka thënë se është e kotë të bisedosh me Korenë e Veriut.
“Që prej 25 vitesh, SHBA po diskuton me Korenë e Veriut. Të dialogosh nuk është zgjidhje!, tha presidenti amerikan pas lëshimit nga regjimin i Kim Jong-Unit të një rakete qe kaloi edhe mbi territorin japonez.
Kreu i diplomacisë amerikane, Rex Tillerson rikonfirmoi gjithashtu se ishte i hapur për negociata me Phenianin me kushtin që ato të përqendrohen në denuklearizimin e Koresë së Veriut.
“Ne do të vazhdojmë fushatën tonë me presion paqësor me aleatët tanë, me Kinën, për të parë nëse kjo do ta sillte Phenianin në tryezën e negociatave, për fillimin e një dialogu për një të ardhme ndryshe për gadishullin korean dhe Korenë e Veriut”, ishte shprehur ai disa ditë më parë. Por duket se paralajmërimet e njëpasnjëshme nuk po bëjnë punë për të zmbrapsur Korenë e Veriut nga programet e saj bërthamore.
(B.H/Shuplaka)
Discussion about this post