Trumpi merr letër nga Putin: Letër e këndshme, mendimet janë korrekte

Presidenti Vladimir Putin i ka dërguar një letër presidentit të zgjdhur amerikan Donald Trump. Kjo letër është publikuar nga ekipi i presidentit Trump. 

“Një letër shumë e këndshme nga Vladimir Putin, mendimet e tij janë shumë korrekte. Shpresoj që të dyja palët të mund të jenë në gjendje të jetojnë me këto mendime, sepse ne nuk duhet të ndërmarrim rrugë alternative”, tha manjati i pasurive të paluajtshme nga Nju Jorku. Kjo letër është dërguar nga qeveria ruse  më 15 dhjetor.

Në këtë letër Putini shfaq shpresën e tij që  do të ketë mundësi duke vepruar në mënyrë konstruktive dhe pragmatike që do  të ndërmarren hapa reale për të rivendosur kuadrin e bashkëpunimit dypalësh në fusha të ndryshme, sikurse edhe rritjen e bashkëpunimit në arenën globale në një nivel të ri kualitativ, shkruan Top Channel.

Ditën e djeshme të dy udhëheqësit botërorë bënë thirrje respektive ndaj kombeve të tyre për të forcuar dhe zgjeruar kapacitetet e arsenaleve bërthamore.

Ndërda Donald Trrump i është përgjigjur gazetares së “MSNBC”-së, Mika Brzezinski, në një deklaratë të shkurtër telefonike se  “Le ta quajmë edhe garë armatimesh, sepse ne do t’i kalojmë ata në çdo hap dhe do t’i mbijetojmë më gjatë atyre”.

Trump po kështu një ditë më parë  shkroi në rrjetin social se Shtetet e Bashkuara duhet të forcojnë ndjeshëm dhe të zgjerojnë kapacitetin bërthamor të tyre, vetëm pak orë pasi presidenti Putin kishte bërë thirrje ndaj ushtrisë së tij për forcimin e potencialit ushtarak dhe forcave strategjike bërthamore.

Ekspertët besojnë se Putin shpreson që presidenti i ardhshëm amerikan do të heqë sanksionet ekonomike të vendosura nga Departamenti Amerikan i Thesarit, të cilat janë vendosur kundër disa prej zyrtarëve rusë që prej ndërhyrjes dhe aneksimit të gadishullit ukrainas të Krimesë nga Moska.

Në fjalimin e përvitshëm informues ndaj kombit, presidenti Putin tha se nuk kishte parë asgjë për t’u shënur në “Twitter-in” e Trumpit, duke e bërë të qartë se ai nuk e sheh Amerikën si një agresor potencial.
Donald Trump mendohet se mund të jetë si  presidenti i parë amerikan  që do të ketë lidhje të ngushta me Putinin dhe qeverinë ruse. (J.V/Shuplaka)