Trupat ushtarake amerikane kanë mbërritur në Poloni për t’u bërë pjesë e mbrojtjes së këtij shteti.
Liderët polakë i kanë pritur krahëhapur trupat e SHBA-së. Kryeministrja Beata Szydlo, është shprehur se kjo është “ditë e madhe”, që do të ndihmojë në sigurinë rajonale.
Sipas raportimeve të CNN, afro 3,500 ushtarë amerikanë janë vendosur në kuadër të rotacioneve të NATO-s, në pjesën lindore të Evropës. Kjo për t’i siguruar aleatët europianë pas lëvizjeve të Rusisë kundër Ukrainës.
“Kjo është një ditë e madhe, kur ne mund të mirëpresim këtu në Żagań, ushtarët amerikanë të cilët përfaqësojnë, ushtrinë më të mirë dhe më të madhe në botë.”, tha kryeministrja polake.
Ndërsa Ministri i mbrojtjes Antoni Macierewicz, u shpreh se arrdhja e ushtarëve amerikanë do të ndihmojë për arritjen e “lirisë, pavarësisë dhe paqes në Evropë dhe në gjithë botën”. (D.D/Shuplaka)
Discussion about this post