Ngjarja e rëndë e ndodhur pasditën e sotme në Fierzë të Pukës, ku një elektriçist humbi jetën teksa pati kontakt me energjinë, është komentuar edhe nga gazetari Armir Mehaj, i cili e quan mungesën e reagimit të intsitucioneve përkatëse për rastin në fjalë diçka skandaloze.
Përmes një reagimi në rrjetet sociale, Mehaj shprehet se që prej orës 15:00 trupin e pajetë të elektriçistit Prend Ceca askush nuk ka shkuar për ta zbritur nga shtylla.
Sipas tij, kjo është diçka e turpshme ç’ka i shton dhimbjen familjes Ceca dhe banorëve të zonës.
Reagimi i plotë:
Vërtetë SKANDAL. Si është e mundur elektriçisti Prend Ceca, i vdekur që në orën 15:00 në maj të shtyllës dhe ende askush nuk ka shkuar në Fierzë për të zbritur nga shtylla trupin e pa jetë. Ku jemi. A ju vjen TURP o ju që keni përgjegjësi në këtë rast?! Ja shtuat fort dhimbjen familjes Ceca, bugjonsve dhe fierzakve. JAZEK!
Burime për Fax Web bëjnë me dije se dy grupe pune po shkojnë në vendngjarje pjesë e të cilëve janë pjesë e të cilëve janë forcat e Policisë së Tropojës dhe ato të Pukës.
Elektriçisti Prend Ceca 34-vjeç, humbi jetën pasi ra në kontakt me rrymën elektrike i cili kishte hipur në një shtyllë duke riparuar një defekt.
Ngjarja ka ndodhur rreth orës 15:00 të ditës së sotme.
(F.GJ/FAXWEB.AL)
Discussion about this post