Trupi i të ndjerit Klodjan Hysa, shqiptari që u qëllua me pumb në kokë nga karabinierët në Itali, pritet të mbërrijë nesër në Shqipëri në mënyrë që familjarë të kryejë sic është zakoni ceremoninë mortore.
Hysa u qëllua gjatë një operacioni policor në Monte San Giusto, pasi sëbashku me një person tjetër dyshohet se kishte grabitur një shtëpi. Mirëpo ata u pikasën nga policia italiane dhe kur këta i dhanë urdhër të ndalonin, Hysa nuk u bind. Kështu që një nga karabinierët e qëlloi atë më plumb në kokë. Hysa dyshohet se ishte pjesë e një bande të specializuar në grabitjen e banesave.
Plagosja ndodhi të premten e 24 shkurtit, por 35-vjeçari ndërroi jetë në spital tre ditë më pas si pasojë e plagëve të marra.
Ndërkohë që Prokuroria ende po zhvillon hetimet, ekspertët balistik, avokati i Hysajt së bashku me një inxhinier, kanë kryer auditime në makinën tip “Fiat” që po ngiste i ndjeri para tragjedisë.
Ekspertët bëjnë me dije se plumbi ka goditur fillimisht një pjesë të makinës e më pas ka bërë një trajektore duke e plagosur shqiptarin në pjesën e prapme të qafës, pranë kokës. (D.D/Shuplaka)
