Trupi i pajetë i Florenc Beqiri më fund në shtëpinë e tij, në shtëpinë prej nga ku prindërit e përcollën muaj më parë në emigracion për një jetë larg varfërisë.
Por djali nuk erdhi me këmbët e tij por i vrarë, i pajetë, pasi u masakrua në burgun e Marsejës. Aparaturat e tij iu hoqën teksa ishte duke u dergjur në shtratin e spitalit, ishte në gjendje kome. Florenci, më saktë arkivoli me trupin e tij mbështjellë me flamur të kuq ka hyrë në shtëpinë e varfër në Shkodër. Nëna, motra dhe familjarë ia kanë marrë kujes dhe dhimbja për ta është shumë e madhe.
“Unë ja kam gjetur shenjën në dorë. E kam marrë në fotografi dhe ia kam marrë shenjën në dorë. Ai kishte shenja edhe në krahë dhe në dorë. Kur kam shhkuar të nesërmen në spital ia kanë fshirë shenjën në dorë. Unë kam pas hall. Unë kam pas qejf me e marrë gjallë djalin tim jo me e marrë të vdekur. Ky qe riksu i djalit tim. Nuk i ka ndodhur njeriu kjo punë që i ndodhi djalin tim. Ka shumë si djali im të vrarë atje që nuk kujdeset askush për ata. Unë nuk ka firmosur te djali. Unë kërkoj drejtësi. Unë dua drejtësi, jam njeri i varfër. Vetëm Meta do të ma zgjidhi këtë gjë se më ka premtuar”, u shpreh babai i Florenc Beqirit. (J.V/Faxweb)
https://www.youtube.com/watch?v=82F9-QnNC00
Discussion about this post