Detaje të reja janë zbardhur lidhur me 36-vjeçarin Kreshnik Çela që u gjet i pajetë në orën 06:15 të mëngjesit të sotëm në lagjen nr. 5 të Pogradecit.
Burime të Policisë së Pogradecit bëjnë të ditur se shtetasi në fjalë është hedhur nga tarraca e pallatit, nën ndikimin e gjendjes së rënduar emocionale.
Raportohet se ai ka pasur çrregullime psikike, nën ndikimin e të cilave ka tentuar të vetëvaret dy herë të tjera gjatë kohës që ishte resident në Greqi, ku edhe punonte.
Detaje të Policisë së Pogradecit:
Në vijim të informacionit paraprak datë 15.02.2017, i cili bën fjalë për gjetjen e trupit të pajetë të shtetasit K.Ç, 36 vjeç, në lagjen nr 5 në Pogradec në rrugë, ju bëjmë me dije se :
Pas kryerjes të gjithë veprimeve të mëtejshme hetimore e proceduriale, si edhe nga marrja e deklaratave të familjarëve, rezulton se ky shtetas në gjendje të rënduar emocionale, është hedhur nga tarraca e pallatit, në afërsi të të cilit u gjet i vdekur.
Shtetasi K.Ç, ka pasur çrregullime psikike, si edhe ka tentuar dy herë të tjera të kryejë vetëvarje, në shtetin Grek ku edhe punonte.
Materialet lidhur me ngjarjen, i kaluan Prokurorisë të Rrethit Gjyqësor Pogradec, për veprën penale : “Shkaktimi i vetëvrasjes” parashikuar nga neni 99 i Kodit Penal.
(XH.A/SHUPLAKA)
