Ish-kryeministri Sali Berisha ka reaguar pas nxjerrjes me forcë nga salla të një studenteje e cila akuzoi kryeministrin Rama për zhvatje të studentëve.
Me anë të një postimi në rrjetet sociale, Berisha shkruan:
“Ketij i thone terror takim!
Dhunohet ne kryeministri, nxirret me force nga salla dhe dergohet ne polici me urdher te Rames, studentja qe me guxim ia plasi ne fytyre Kallam Deshtakut duke i thene: Boll zhvate dhe mashtrove studentet. Ketij i thone terror takim! sb”
Kujtojmë se Kryeministri Edi Rama gjatë një takimi me studentët e ekselencës ditën e sotme ka pasur një incident të rëndë me një studente, aktiviste e Lëvizjes për Universitetin.”
Ka qenë “Lëvizja për Universitetin”, që ka publikuar videon e incidentit të rëndë ku vajza nxirret me dhunë nga ambjentet ku kryeministri po mbante fjalën, ndërsa thotë:“Arsimi publik është falas, mos më prek. Nuk keni të drejtë t’i nxirrni studentët jashtë”.
Ndërsa Rama pasi dha urdhër që vajzën ta nxirrnin jashtë, shtoi: “ Me siguri ngelëse”.
(B.B/ Faxweb.al)
Discussion about this post