Kryeministri Edi Rama në një intervsitë në Neë York nuk ka lënë pa komentuar edhe tryezën e diskutimit lidhur mbi Reformën Zgjedhore, ku ishte e pranishme për pak minuta edhe opozita joparlamentare.
Rama u shpreh se në duhet të përshpejtojmë procesin, ndërkohë që shtori se prioritet tani është kalimi i të gjitha ndryshimeve që kanë brenda rekomandimet e OSBE/ODIHR.
“Qëndrimi im është ai që dihet. Nuk dua të bëj polemika dhe nuk dua tu marr kohë shqiptarëve me avazin kush e ka fajin. Ne na duhet të përshpejtojmë procesin e reformës. Të gjithë janë të mirëpritur për më shumë. Rekomandimet janë shkruar e zeza mbi të bardhë dhe ne do të ecim mbi to. Ne jemi të angazhuar për datën e konferencës së parë midis BE-së dhe Shqipërisë që është hapi i parë për zyrtarizimin e negociatave.
Me gjithë respektin për të gjitha idetë, ne procesin do ta përshpejtojmë dhe do ta ndajmë në dy pjesë. Pjesa e parë është garantimi i një ligji zgjedhor dhe pjesa e dytë është t’i japim kohë vetes për të diskutuar të gjitha idetë. Në raport me BE-në duhen këto dhe në raport me zgjedhjet e ardhshme këto janë të domosdoshme. Edhe ne kemi një ide që do ta çojmë deri në fund që është vota e shqiptarëve jashtë Shqipërisë. Por kjo i mbetet zgjedhjeve të ardhshme të 2021. Prioritet tani është kalimi i të gjitha ndryshimeve që kanë brenda rekomandimet e OSBE/ODIHR. Përkthyes në gjuhë të huaj për t’u marrë vesh me shqiptarët nuk do të pranoj. Nuk besoj se opozita jo parlamentare është kundër sepse ato janë rekomandime të OSBE-së.”- u shpreh Rama.
(M.Q/Faxweb.al)
Discussion about this post