“Tryezë dialogu me Edi Ramën?”, reagon Bardhi: Nuk tërhiqemi nga kauza jonë, këto janë lajme tymnajë

“Nuk do të tërhiqemi nga kauza jonë, në zgjedhje shkohet pa Edi Ramën si kryeministër.”

Kështu është shprehur ish-deputeti Gazmend Bardhi, pak minuta më parë në deklaratën e bërë gjatë  takimit të zhvilluar për pranimin e anëtarëve të rinj të Partisë Demokratike te dega 7.

Gjatë takimit  Gazment Bardhi ka mohuar tryezën e dialogut me Ramën duke u shprehur se lajme të tilla janë lajme në tymnaj.

Ndërsa nuk harron t’ju bëjë thirrje qytetarëve të bashkohen në protestën e paralajmëruar të opozitës në 11 maj, Bardhi e ka cilësuar qeverinë e ardhur nga zgjedhjet farsë duke shtuar se beteja kryesore e Partisë Demokratike është për Shqipërinë dhe jo për pushtetin.

“Nuk ka një tryezë dialogu me Edi Ramën, këto janë lajme në tymnajë. Ne nuk tërhiqemi pa e larguar të keqen e vendit. Zgjedhje të lira e të ndershme është ajo çka kërkon Partia Demokratike. Qeveria është e ardhur nga zgjedhjet farsë, s’ka arsye të punojë për ne.

Beteja e ardhshme do të jetë në 11 maji. Unë i ftojë gjithë qytetarët, ju them gjithë qytetarëve  bashkohuni në aksion. Partia Demokratike përmes kësaj beteje nuk synon të vijë në pushtet. Beteja kryesore bëhet për Shqipërinë, jo për partinë.”