Kryeministri grek Aleksis Tsipras ka folur për marrëveshjen me Shqipërinë që pritet të nënshkruhet nga dy qeveritë.
Tsipras ka thënë se ka rënë dakord me Ramën që dy ministritë e (Jashtme) të dyfishojnë përpjekjet për përmbylljen e marrëveshjes.
Kryeministri grek ka deklaruar për ERT se dy vendet kanë arritur në një moment shumë të rëndësishëm, duke vënë theksin tek marrëveshja për detin dhe ligjin të luftës, që sipas Tsipras janë dy çështje për të cilat dy qeveritë janë shumë afër gjetjes së zgjidhjes.
Sa i takon zonës ekonomike ekskluzive,Tsipras deklaroi se do ketë një zgjidhje me avantazhe të konsiderueshme për Greqinë.
“Ne jemi shumë afër zgjidhjes në lidhje me caktimin e kufijve të zonës ekonomike ekskluzive, një zgjidhje që ofron avantazhe të konsiderueshme në anën greke, unë nuk do të shkoj në detaje,” tha ai.
Megjithatë sipas mediave greke mbetet për tu sqaruar termi “kufijtë”, ndërsa shtrojnë pyetjen nëse kemi të bëjmë thjeshtë më një gabim gjuhësor të Tsipras.
Media greke ngre dyshime për në lidhje me deklaratën e Tsipras dhe aludon për “marrëveshje të fshehtë që mund ta zërë në befasi popullin grek”. Kjo deklaratë e Tsipras vjen pak ditë pas deklaratës së komisionerit Johannes Hahn “për ndryshim” kufijsh, pavarësisht se ai sqaroi se ishte një keqkuptim.
(B.H/Faxweb)
