Tumoret po përhapen me shpejtësi te moshat e reja, 2 janë shkaqet kryesore

Sëmundjet kardiake dhe tumorale  po përhapen me shpejtësi të madhe në Shqipëri.

Nga viti 2012 deri në 2017-ën kanë humbur jetën nga sëmundjet tumorale mbi 3500 persona çdo vit.

Ndërsa sëmundjet malinje janë shkaktari i dytë i vdekjeve në Shqipëri gjatë vitit 2017 me një rritje 2.1 për qind në raport me vitin e kaluar.

Sipas raporteve të INSTAT moshat e reja janë më të prekura nga sëmundjet tumorale.

Në vitin 2017 numri i personave që kanë humur jetën  nga sëmundjet tumorale ishin 74 më shumë se në vitin 2016.

Të dhënat e INSTAT, të përpunuara nga Monitor për 1000 banorë tregojnë se në vitin 2017 është rritur prevalenca e vdekjeve nga tumori për grupmoshat 10-29 vjeç; 40-59 vjeç; ndërkohë që ka pasur ulje për grupmoshat 30-39 vjeç dhe mbi 60 vjeç.

Numrin më të madh të jetëve të humbura nga sëmundjet e tumoralë e ka Tirana, për shkak edhe të numrit më të madh të banoreve, por prevalencën më të lartë të jetëve të humbura e ka qarku i Gjirokastrës, me 2.21 jetë të humbura për 1 mijë banorë. Gjirokastra ka më shumë jetë të humbura për shkak të plakjes së popullsisë me ritme më të larta se në qarqet e tjera. Pas Gjirokastrës vjen Korça me 1.66 të vdekur për 1000 banorë, më pas Shkodra me 1.64 për 1 mijë banorë, Vlora me 1,50 të vdekur.

Sipas ekspertëve shkaktarë të sëmundjve turmorale janë ndotja  e mjedisit dhe dietat ekstreme që mbajnë kryesisht moshat e reja.  (E.V/Faxweb.al)