Donald Trump, presidenti i zgjedhur i SHBA-së pas marrjes së detyrës gjëja e parë që do të bëjë është shfuqizimi i veprimeve ekzekutive të paraardhesit të tij, Barak Obamës. Këtë lajm e deklaroi zëdhënësi i ardhshëm i Shtëpisë së Bardhë Sean Spicer gjatë një interviste për programin “This Week” në televizionin Abc.
“Trump do të shfuqizojë menjëherë shumë rregullore e veprime të ndërmarra nga administrata Obama në 8 vitet e fundit, e që kanë penguar rritjen ekonomike dhe krijimin e vendeve të reja të punës”, ka thënë Spicer.
Kjo sipas tij do të jetë një prej 2 lëvizjeve të para që do të bëjë Trump pas marrjes së mandatit në 20 janar, megjithëse ai nuk e specifikoi se cilat janë veprimet ekzekutive që do të shfuqizohen. Po këshu dihen se politikat e Obamës më të kritikuara nga Trump, janë ato mbi emigracionin, energjinë dhe politikën e jashtme dhe ai mund të kërkojë mënyra për t’i zhbërë ato.
Spicer shtoi se masat që Shtëpia e Bardhë mori ndaj Rusisë duke urdhëruar dëbimin e 35 spiunëve të dyshuar ruse mund të jenë të tepruara, dhe se Trump do t’i kërkojë llogari shërbimeve sekrete lidhur me çështjen. Christine Todd Whitman, shefja e agjencise amerikane të mbrojtjes së ambjentit në administraten e Xhorxh Bush e akuzoi republikanin për shpërfilljen e paralajmërimeve të shkencës dhe tha se premtimi i tij për të anulluar politikat e mbrojtjes klimaterike e ekspozojnë botën ndaj një rreziku të madh. Sipas mbështetësve te Trumpit rregullat për klimën dhe energjinë po i mbysin bizneset. (J.V/Shuplaka)
Discussion about this post