Forcat e sigurisë në Tunizi kanë vënë në pranga nipin e terroristit, autortit të sulmit në Berlin ku mbetën të vdekur 12 persona dhe u plagosën 48 të tjerë.
Zyrtarët vendas kanë bërë me dije se është arrestuar nipi i 24-vjeçarit Anis Amri dhe dy të rinj të tjerë. Mësohet se të arrestuarit janë të moshave 18-27 vjeç dhe dyshohet se i përkasin një celule terroriste.
Ministria e Brendshme e Tunizisë ka deklaruar se arrestimi i tyre u krye këtë të premte. Burime të ministrisë kanë bërë gjithashtu me dije se i pyetur nga policia, nipi i Anis Amrit ka pranuar se ka komunikuar me dajën e tij përmes aplikacionit “Telegram”.
Në deklaratën e kësaj ministrie, u bë gjithashtu me dije i riu kishte shfaqur mbështetjen e tij ndaj Shtetit Islamik. (XH.A/SHUPLAKA)
