Kryeministri Edi Rama lajmëron se ditën e hënë, do të mblidhet me deputetët e rinj të PS-së por edhe me kandidatët për deputetë, për të nisur një tur dëgjesash gjatë gjithë muajit korrik, nëpër qarqe të ndryshme të vendit.
Në basë të shqetësimeve që do shprehin qytetarët, do ndërtohet strategjia e qeverisë së re që sipas kryeministrit do ta çojë “tepsinë për skrap”, por se sa do realizohet kjo do ta shohim në katër vitet në vijim.
REAGIMI I RAMËS
PER KOALIÇIONIN KUNDËR TEPSISË
Të hënën do të mblidhemi me deputetët e rinj dhe kandidatët për deputetë, pra me të gjithë skuadrën tonë të 25 qershorit, për nisjen e turit të dëgjesave në bazë të çdo qarku gjatë gjithë muajit korrik.
Një aspekt i rëndësishëm i këtij turi dëgjesash, do të jetë mbledhja e të dhënave për punën e zyrave të administratës shtetërore. Për këtë qëllim do të përdoret edhe mbledhja e informaçionit online nga njerëzit e zakonshëm, lidhur me zyrat e shërbimeve për publikun dhe punonjësit e drejtuesit e tyre. Në këtë fazë ky informaçion do të mblidhet përmes kësaj faqeje, apo faqeve online të udhëheqësve tanë në çdo qark. Ndërsa më pas, kur Platforma e Bashkëqeverisjes me njerëzit, SHQIPËRIA QË DUAM, të jetë gati bashkë me Qeverinë e Re, një seksion i veçantë i saj do t’i shërbejë posaçërisht çdo qytetari; për të tërhequr vëmendjen e qeverisë për punën e zyrave të shtetit në çdo pikë të vendit apo vënë alarmin në qeveri, për raste konkrete të abuzimit me detyrën ose sjelljes së padenjë të nëpunësve të shtetit me njerëzit.
Pas këtij turi 30 ditor, të gjitha të dhënat e mbledhura për instituçionet dhe zyrat e shtetit, do të analizohen imtësisht qark për qark. Mbi bazën e tyre do të përgatitet një raport ku do pasqyrohet çilësia e punës, niveli i shërbimit dhe reputaçionit publik të çdo dege të administratës shtetërore e të çdo drejtuesi përkatës. Ky raport do të jetë në tryezën e Qeverisë së Re që në ditën e parë të punës, si një nga dokumentat bazë që do t’i shërbejnë operaçionit të çuarjes së tepsisë për skrap”. (D.D/Shuplaka)
