Turizmi në vendin tonë është duke u përballur me një goditje të dytë të fortë brenda një periudhe shumë të shkurtër.
Ekspertët tregojnë se turizmi po përballet me një krizë të rëndë për shkak të COVID-19 dhe rreth 70% e rezervimeve janë rezervuar për pranverën. Anëtari i shoqatës së turoperatorëve, Besnik Vathi në një intervistë thotë se të vetmet rezervime që nuk janë anuluar janë vetëm ato që janë bërë me parapagim. Ai tregon se edhe në rast se kemi një zhdukje të virusit nuk do të kemi kthim në normalitet të turizmit, pasi situata paraqitet e vështirë.
“Për momentin anulimet nuk diskutohen që për pranverën mund të quhen të mbyllura komplet 100% të anuluar, për verën deri më tani kanë qenë në nivelin e 70% dhe mbetet një 30% që ndoshta në pritje për të se çdo të bëhet. Bëhet fjalë për rezervime pritje, me idenë që duke qenë se janë bërë parapagime për fluturimet, për hotelet dhe askush nuk dëshiron që ti humb. Në këto kushte do mendohet brenda Evropës se me cilët vende mund të kemi akses, me Greqinë, Italinë, Maqedoninë apo edhe vendet skandinave. Pra do të shikohet se ku konkretisht do të jenë më të mundshme hapjet”, shprehet Vathi.
Situata më e mirë një zhdukje komplet e virusit dhe kthim në normalitet, atëherë kuptohet që nuk do të ketë bum po do të jetë rreth 30-40% krahasuar me vitin e kaluar. Pra në këto kushte çdo situatë sado optimiste nuk mund ta kalojë këtë shifër. Të flasësh pastaj për turizmin e brendshëm është utopi ose të flesh optimist me gjëra që janë të pamundura. Asnjë vend në botë që ka turizëm nuk e mbyll turizmin me turizëm të brendshëm”, thotë Vathi.
Qeveria shqiptare nuk ka paraqitur ende një paketë që lidhet me turizmin, prandaj përfaqësuesja e një prej agjencive turistike në vend Jeta Hoxha thotë se ata janë të papërgatitur.
Kujtojmë se pak ditë më parë, kryeministri Edi Rama tregoi se pushimet brenda vendit janë më të mundshme.
Discussion about this post