Shqipëria ka përfituar një hua prej 71 milionë dollarësh nga Banka Botërore, investim i cili do të përdoret për infrastrukturën në katër qytete jugore të Shqipërisë.
Qëllimi është tërheqja e turistëve të huaj.
Ellen Goldstein, drejtoresha për Ballkanin Perëndimor në Bankën Botërore, ka thënë se do të investohet për infrastrukturën e qyteteve të Gjirokastrës, Beratit që janë pjesë e trashëgimisë kulturore në UNESCO, pastaj dhe porti i Sarandës dhe qyteti i Përmetit.
“Synohet të krijohen produkte të turizmit, planet e menaxhmenteve për katër qytete dhe rrethinën e tyre kuturore dhe trashëgimore dhe ndërtimi i partneritetit për menaxhment të destinimit turistik”, ka thënë Goldstein, gjatë ceremonisë së nënshkrimit të marrëveshjes në Tiranë.
