Policia ka nisur hetimet ndaj një shtetasi turk, për shkak se ky i fundit ka kërcënuar me armë përmes rrjeteve sociale ish-bashkëshorten e tij, e cila banon në Kavajë.
Mësohet se ngjarja ka ndodhur rreth 5 ditë më parë, 36 vjeçari me inicialet I.Y banues në Turqi, ka kërcënuar përmes fotove me armë ish-gruan e tij, me inniciale V.X. 33 vjeçe. Pasi është kërcënuar, gruaja ka bërë kallëzim në polici për rastin.
“Më datë 24.07.2017, u referuan materialet në Prokurorinë e Rrethit Gjyqësor Kavajë, për shtetasin I.Y, vjeç 36, banues në Turqi, pasi dyshohet se më datë 20.07.2017, nëpërmjet rrjetit social i ka dërguar mesazh kërcënues me foto pistolete, ish bashkëshortes V.X, vjeç 33 banuese në Kavajë. Neni 84 i Kodit Penal.”, thuhet në njoftimin e policisë. (D.D/Shuplaka)
Discussion about this post