Ish-kryeminstri Sali Berisha ka publikuar në profilin e tij në rrjetet sociale ankesën e një bariu nga Gjirokastra. Ai akuzon kandidatin për deputet të Partisë Socialiste Flamur Golemi, se i ka publikuar foton e tij pa leje dhe se ai nuk i është ankuar kandidatit për asgjë, nga ato që kandidati ka shkruar sipër fotos në profilin e tij në rrjetet sociale.
Berisha shkruan se kjo është një përgjigje e merituar nga ana e bariut Shehair Goxhaj, të dhënë për kandidatin të PS-së për Gjirokastrën, “sharlatan” e quan ai, Flamur Golemi.
“Nje pergjigje e merituar me nje status ne facebook e Shehair Goxhaj, bari ne Golem, dhene kandidatit sharlatan te PS per Gjirokastren, Flamur Golemi. Duke pershendetur Shehairin per pergjigjen dinjitoze, ju ftoj te lexoni statusin e tij.”, shkruan Berisha.
Postimi i kandidatit:
Mbështetjen dhe frymëzimin për sfidën e 25 qershorit, më shumë se kudo tjetër e gjej tek njerëzit e zakonshëm në çdo fshat, lagje e rrugë të Gjirokastrës. Janë ata që i japin vlerë fitores tonë historike dhe na ngarkojnë me përgjegjësi që të bëjmë më shumë për Shqipërinë që duam. Unë kurrë s’kam për ta tradhtuar besimin e tyre. Shehairi është një bari 25-vjeçar nga Golemi. Gjatë bisedës më tregoi përpjekjet për të vaksinuar bagëtitë, por që i mbyllej çdo derë sepse i kërkonin të anëtarësohej në partinë e ‘deputetit celular’, për t’i përfituar këto vaksina. U ndjeva më të vërtetë në siklet teksa po e dëgjoja, pasi kjo është një histori e turpshme që duhet të marrë fund njëherë e mirë. Prandaj PS kërkon mbështetje të jashtëzakonshme, për të qeverisur e vetme dhe për t’i dhënë fund njëherë e mirë qeverisë me dy timonierë. Vota për parti të tjera është votë e çuar dëm.
POSTIMI I BARIUT:
Drejtuar personalisht Flamur golemit per keq perdorimin e figures time ne radh te pare por qe mendoj se perfaqesoj gjith barinjt e mashtruar dhe genjyer ne mes te dites dhe perdorur per qellime personale. Per te gjith ata qe nuk e dine sistemin e vaksinimit vaksinat behen privatisht dhe jo nga partit. Ndersa fotografin qe bere e kerkove per kujtim jo qe te perbaltesh figuren time me mashtrimet e tua. Asnje here nuk me pyete per partit apo per qellimin e ardhjes tende ne golem. Une jam sic e ke then dhe ti ne shkrimin tend nje bari 26 vjecar por ste jam ankuar ty dhe asnjerit per kete gje. Dhe aq me teper skam pasur presjon nga asnje njeri apo nga ndonje deputet keshtu qe ti je I pa fytyre genjen ne mes te dites pa u ber deputet e jo me qe barinjt dhe gjith populli qe voton te ken besim tek njerez te till. Turp te te vij nga vetja tende. (S.Sh/Shuplaka)
Discussion about this post