Milani humbi 5-0 kundër Atalantës në Bergamo duke dhuruar një paraqitje të shëmtuar. Ekipi i “Djallit” ka prekur fundin, pasi po turpërohet me rezultate, por dhe loja nuk është aty ku duhet. Drejtuesit janë vënë menjëherë në lëvizje dhe duket se shpëtimi i madh është merkatoja e janarit.
Drejtuesit e ekipit italian menjëherë pas humbjes janë rilidhur me Zlatan Ibrahimovicin. Pista e tij kishte mbetur në hije, por me paraqitjet e dobëta të Piatek dhe Leaos, afrimi i një sulmuesi kalibri është i nevojshëm. Drejtuesit e kuqezinjëve janë gati t’i rrisin dhe ofertën suedezit.
Maldini ka folur sërish me Ibrën, por 38-vjeçari nuk duket ende i bindur. Ai i ka kërkuar menaxherit të tij Mino Raiola që të marrë disa ditë kohë para se të vendosë përfundimisht. Ibrahimovic ka disa oferta nga klube të ndryshme në Itali dhe jashtë saj.
