Reperi kosovar së bashku me të fejuarën e tij, Elita Rudi postoi një video ku Gjiko shihej duke peshkuar një peshkaqen.
Gjithçka ndodhi teksa çifti po kalonte disa ditë pushimi në Maldive.
Videoja e publikuar ngjalli reagimin e një zhytësi profesionist në Maldive, Shaff Naeem i cili ka postuar videon dhe shprehet i irrituar për faktin që reperi shqiptar ka bërë një veprim të tillë pasi peshkimi i peshkaqenëve në ishujt Maldive është i ndaluar.
“Një video e reperit të famshëm nga Kosova Gjiko i cili ka peshkuar një peshkaqen dhe e ka hedhur në rërë, më vonë ka bërë foto me të dhe i ka postuar në Instagram për të treguar sa ‘i suksesshëm’ ka qenë. Ju lutem shpërndani këtë video sa më shumë që të mundeni sepse ai po bllokon çdo person që i komenton në Instagram,”- shkruarn Shaff Naeem.
Menjëherë Naeem ka marrë përgjigje nga menaxheri I resorti ku poqëndronte Gjiko dhe Elita, I cili ka komentuar në postimin e tij.
“Ne e kuptojmë që jeni të shokuar nga kjo video dhe ju sigurojmë që edhe ne u ndjemë kështu kur e morëm vesh. Peshkaqeni është rikthyer përsëri në ujë, gjithsesi kjo nuk e justifikon sjelljen shokuese dhe mosrespektin e treguar. Klienti në fjalë është futur në listën e zezë dhe ne do të ndihmojmë autoritetet lokale nëse ata dëshirojnë ta ndjekin çështjen,”- përgjigjet menaxheri.
(F.M/Faxweb)
Discussion about this post