Autoritetet turke arrestuan sot drejtuesit dhe disa deputetë të partisë kryesore prokurde të Turqisë, disa orë para një sulmi me veturë me eksploziv, që ka shkaktuar të paktën një të vdekur dhe dhjetëra të plagosur në Dijarbakir, në juglindje të vendit.
Arrestimi i Selahattin Demirtas dhe Figen Yuksekdag, që drejtojnë së bashku Partinë Demokratike të Popujve (HDP), përbën një përshkallëzim në dënimet e ndërmarra nga qeveria pas grushtit të shtetit të munguar në muajin korrik dhe që kanë prekur më shumë prokurdët.
Bashkëdrejtuesit e HDP-së, partisë së dytë të opozitës në Turqi, u paraqitën sot në gjykatë që duhet të vendosë për ndalimin e tyre të mundshëm në kuadër të një hetimi antiterrorist lidhur me Partinë e Punëtorëve të Kurdistanit (PKK), sipas agjencisë zyrtare të lajmeve, Anadolu Agency.