Presidenti turk Rexhep Tajip Erdogan ka nisur një operacion kundër forcave të drejtuara nga kurdët në veri-lindje të Sirisë. Ankaraja i sheh militantët kurdë si terroristë dhe argumenton se është e nevojshme një ofensive për të sjellë “paqen” në rajon.
Operacioni synon jo vetëm milicitëushtritë e udhëhequra nga kurdët, se Ankaraja beson se është e lidhur me grupin militant të Partisë së Punëtorëve të Kurdistanit (PKK) i cili është i jashtëligjshëm në Turqi, por edhe terroristët e Shtetit Islamik (IS, dikur ISIS).
Avionët dhe artileria turke filluan të godasin pozicionet në Siri menjëherë pas njoftimit të Erdogan, sipas raporteve të mediave.
Duke folur me civilë në tokë, familjet filluan të iknin në jug këtë mëngjes, të tjerët mbetën të vendosur dhe protestuan për ofensivën e afërt turke. Një grua në Tal-Abyad shkruajti “Qyteti është në gatishmëri dhe civilët janë të tmerruar”, atëherë ajo doli offline, ndërsa telefoni i saj është i fikur.
Operacioni ushtarak duket se ka si synim kryesisht të ashtuquajturat Forcat Demokratike Siriane (SDF), një grup i përbërë kryesisht nga kurdë etnikë.
Aeroplanët e luftës turke kanë filluar të kryejnë sulme ajrore në zonat civile. Ka një panik të madh në mesin e njerëzve të rajonit.
Militantët e PKK, duke kërkuar një shtet të pavarur kurd, kanë zhvilluar kryengritje të shpeshta në juglindje të Turqisë për dekada të tëra.
