Turqia e ka seriozisht “luftën” me Fetullah  Gylen, kërkon ekstradimin e 28 pjesëtarëve të organizatës nga 16 shtete

Turqia u kërkon zyrtarisht plot 16 shteteve, ekstradimin e 28 personave, të cilët janë pjesëtarë të organizatës Fetullah Gylen (FETO).

“AA” raporton se Ministria e Drejtësisë e Turqisë ka përgatitur dosje për ekstradimin e pjesëtarëve të organizatës, përfshirë edhe persona që janë arratisur jashtë vendit pas tentativës për grushtit te shtetit më 15 korrik.

Sipas gazetarit që ka siguruar informacionet, ministria turke u ka dërguar 16 shteteve gjithsej 31 dosje të përgatitura nga prokuroritë dhe gjykatat, për ekstradim të 28 pjesëtarëve të Fetullah Gylen, organizatë e cila konsiderohet si terroriste nga Ankaraja.

Shtetet në fjalë janë: Mozambiku, Kazakistani, Rumania, Bosnjë dhe Hercegovina, Bullgaria, Belgjika, Brazili, Maroku, Afrika Jugore, Holanda, Kirgistani, Republika Turke e Qipros Veriore (KKTC), Polonia, SHBA, Gjermania dhe Greqia. (D.D/Shuplaka)