Nga Turqia njoftohet se ka përfunduar 98% e punës për ndërtimin e stadiumit të qytetit Koxhaeli, që do të ketë një kapacitet prej plot 33-mijë vendesh ku veçoria e tij është pamja, që ngjason me ëmbëlsirën turke, pismanije.
Stadiumi që është ndërtuar në një hapësirë 89 mijë metrash katrorë, pritet të jetë dhe simboli i këtij qyteti, pasi me pamjen e tij të jashtme do të ngjasojë me ëmbëlsirën karakteristike turke.
“Po vazhdojmë punën për vendosjen e stolave, që është drejt përfundimit”, -mësohet të ketë thënë drejtori i Zyrës së Rinisë dhe Sportit i qytetit të Koxhaelit, Muzaffer Çintimar.
“Në fund të muajit maj, stadiumi në Koxhaeli, do të jetë gati dhe në të do të mund të luhet futboll. Është përfunduar ndërtimi i rrethinave dhe hapësirave të gjelbërimit, ndërsa vazhdon asfaltimi i rrugëve përreth”, tha ai, raporton AA. (M.D/Shuplaka)
Discussion about this post