Kandidati i LSI-së për deputet në Lezhë, Viktor Tushaj, ka reaguar lidhur me videon e publikuar nga Saimir Tahiri, ku shihej duke i dhënë një zarf të dhunuarit Gjovalin Gjini, kryeplak në Lezhë.
Tushaj i kundërpërgjigjet gjithashtu edhe Pjerin Ndreut, i cili tha se kjo nuk është tradita.
“Sa turp! Preokupohet Saimiri dhe Pjerini për zarfin e traditës dhe jo për “viziten” e zagareve të rilindjes që i bënë Gjovalinit. Por pa merak do e merrni përgjigjen dhe “zarfin” e popullit shqiptar dhuratë me 25 Qershor!”, reagon Tushaj.
Sajmir Tahiri publikuar një video në rrjetet sociale ku shfaqet kandidati i LSI në Lezhë, Viktor Tushaj duke i futur një zarf në xhep një simpatizanti të LSI-së që u dhunua disa ditë më parë.
Pas kësaj videoje Tushaj tha se kështu e do zakoni të respektohet filxhani i kafesë.
Në Kashar, Tahiri tha se zakoni i shqiptarit është të japë dorën kur je në vështirësi, jo të japë zarfin duke të korruptuar.
“Nuk është e rrallë të në zënë sytë një kamikaz të ri politik që merr lek për tu rrahur. Para pak minutash doli një video, ishte një kandidat i LSI që i jepte një zarf një të dhunuari. Unë nuk e di nëse është rrahur ose jo, por ajo është historia e vet. Ajo që më trembi më shumë mua është justifikimi se kështu e ka zakoni, pra të fusë zarfin. Zakoni i shqiptarit është të japë dorën kur je në vështirësi, jo të japë zarfin duke të korruptuar. Zakoni i shqiptarit nuk është që të fusin lek në xhep”, janë fjalët e Tahirit, të cilave Tushaj iu kundërpërgjigj duke thënë se preukopohet për zarfin e traditës, jo për “vizitën” e zagarëve që i bënë Gjovalin Gjinit. (D.D/Shuplaka)
