Presidenti i Këshillit Europian, Donald Tusk zhvilloi sot një takim në Bruksel kryeministrin e vendit Edi Rama dhe u shpreh për rritje të bashkëpunimit dhe bisedimeve për të ardhmen. Me anë të një postimi në Twitter, Tusk rikonfirmoj vendosmërinë për të ndihmuar në reformat të thella e kurajoze të vendit.
“Një takim i mirë me kryeministrin Edi Rama përpara Samitit të Ballkanit në 17 maj në Sofia. Nevojë që reformat për shtetin ligjor të vijojnë me të njëjtin ritëm për të avancuar në rrugën drejt BE”, thuhet në mesazhin e Tusk.
Ndërsa kryeministri Edi Rama gjatë takimit falënderoi presidentin Tusk që siç u shpreh ai është një nga mbështetësit më të mëdhenj të përafrimit të mëtejshëm të Ballkanit por edhe të Shqipërisë me BE.
“Ishte kënaqësi që u takuam me Presidentin e Këshillit Europian dhe e falënderova që na dha mundësinë e këtij takimi me gjithë të gjendurit në një ditë shumë intensive takimesh me kryeministrinë britanike dhe po ashtu dua t’i shpreh mirënjohjen që është një ndër mbështetësit më të mëdhenj të përafrimit të mëtejshëm të Ballkanit por edhe të Shqipërisë me BE”.
“Është e rëndësishme për mua të jem me ju dhe popullin shqiptar dhe shpresoj që kjo të jetë sa më shumë pozitive e mundur. Me shpresën për rritje të bashkëpunimit dhe bisedimeve për të ardhmen. Ju keni vetëm fansa këtu në Këshill, dhe dua të mbështeteni gjithnjë këtu. Mund të mbështeteni tek ne dhe rikonfirmoj vendosmërinë tonë për t’ju ndihmuar në reformat e juaja të thella e kurajoze. Jeni një nga shembujt më të mirë për ambicien europiane,” tha Tusk nga ana e tij.(M.Q/Faxweb)
Discussion about this post