Kryeministri Edi Rama konkurroi “kokë më kokë” sot me protestuesit që dolën në Rrugën e Kombit.
Gjatë deklaratës së tij në Vlorë, aty ku qeveria ishte stacionuar për këtë fundjavë, Rama tha paraditen e sotme se qeveria po punon për vënien në punë të aeroportit të Kukësit.
“Qeveria po vijon negociatat për vënien në punë sa më shpejt të aeroportit të Kukësit. Ky aeroport do t’i shërbejë një hapësire shumë të rëndësishme shqiptare dhe është një aeroport që do të jetë i garantuar me një fluks të lartë, pasi do të mbulojë të gjitha fluturimet me Anglinë, Gjermaninë, Zvicrën dhe zonat ku ka shumë shqiptarë. Pa llogaritur pastaj edhe shqiptarët e Kosovës, që do ta kenë shumë më të lehtë të përdorin aeroportin e Kukësit, si rezultat i çmimeve te ulëta”, ka thënë Rama.
(F.G/Faxweb.al)
Discussion about this post