Një incident është shënuar mbrëmjen e sotme në Rinas, ku është përfshirë Afrim Kica, personi që u akuzua se kishte planifikuar vrasjen e kryeministrit Edi Rama gjatë protestës homazh të 28 Janarit të 2011-ës, që asokohe ishte në opozitë.
“Shuplaka” mëson se makina e Kicës, e cila qarkullon me naftë ka marrë flakë në ecje pranë Rinasit. Ndërkohë që Kica ishte duke ngarë makinën, disa persona i thonin nga jashtë që “ndaloje se të ka marrë flakë”, kështu ai ka ndaluar dhe ka lajmëruar menjëherë policinë dhe zjarrfikësit, mirëpo ata nuk i janë përgjigjur në kohë.
Policët nuk kanë mbërritur në vendngjarje, ndërsa zjarrfikësit kanë shkuar të shuajnë vetëm tymin e fundit. Siç e shikoni edhe nga pamjet e sjella nga “Shuplaka”, makina po shkrumbohet dhe autoritetet nuk kanë mbërritur akoma. Ende nuk dihen shkaqet e ngjarjes, mirëpo presim informacione të mëtejshme.
Ndërkohë sjellim ndërmend që Afrim Kica është një personazh i njohur për mediat dhe për policinë, për shkak se në 2011-ën u akuzua se sëbashku me disa persona të tjerë, kishte planifikuar vrasjen e liderit të opozitës asokohe, Edi Rama. Kjo është hera e dytë që Kicës i digjet makina, sepse edhe në protestën e 21 janarit, demostruesit e dogjën makinën e tij. (D.D/Shuplaka)
[ngg_images source=”galleries” container_ids=”2627″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
https://www.youtube.com/watch?v=axR0X37KqJ8&feature=youtu.be
https://www.youtube.com/watch?v=yohbq3ooKzA&feature=youtu.be
https://www.youtube.com/watch?v=qRQgEcvObzM&feature=youtu.be
Discussion about this post