Ditën e djeshme në media u publikua lajmi se, Ramiz Çobaj, kreu i PD-së së Shkodrës akuzohej se kishte punuar si oficer i Sigurimit. Lajmi u përhap me shpejtësi në të gjitha mediat, mirëpo sot ka reaguar vetë Ccobaj.
Ai shprehet se lajmi është i gënjeshtërtdhe se ai do të japë një sqarim më të plotë ditët e ardhshme.
“Disa media dhanë lajmin e rremë sikur unë kam punuar në sigurimin e shtetit. Sqaroj gjithë opinionin publik se ky lajm dashakeqës është krejtësisht i pavërtetë.
Unë Ramiz Çobaj kam punuar në Policinë e Shtetit në sektorin e krimit ekonomik, fakt të cilin e kam deklaruar që në vitin 2005 nëpermjet CV-së zyrtare të paraqitur pranë Kuvendit të Shqipërisë, në kohën e marrjes së mandatit të deputetit. Sqarimin më të plotë do e jap nëpërmjet ripublikimit të CV-së time”, thotë Çobaj.
Publikimi i dokumentit në media erdhi pasi Ramiz Çobaj u tërhoq nga lista e kandidatëve për deputetë, pasi u ndje i fyer për pozicionin ku e kishte vendosur kreu i PD-së, Lulzim Basha. (E.K/SHUPLAKA)
Discussion about this post