Pas akuzave të PD-së, ka reguar, deputeti socialist Ulsi Manja, i cili ishte anëtar i komisionit peër votimin dhe numërimin e votave gjatë votimit në Kuvend për kryetarin e ri.
Ai thotë se fletët e votimit u firmosën dhe u vulosën para kamerave live.
Ndërsa shton se fletët e numëruara i janë treguar deputetëve dhe ata akoma flasin.
“Po lexoj në disa portale që Komisioni i Votimit për Kryetarin e Kuvendit paska deformuar rezultatin e votimit apo diçka të tillë më duket, në përpjekje për të justifikuar rrjedhjen e 3 votave të PD (2 vota pro Ruçit dhe 1 e pavlefshme ).
Epo transparencë më të madhe se sa ky votim unë nuk di të ketë: fletët u firmosën dhe u vulosën në prani të kamerave live, në prani të kamerave dhe 140 deputetëve u votua, live u numëruan dhe ju treguan deputetëve dhe publikut fletë për fletë dhe këta përsëri kanë gojë e flasin! Pika që s’u bie se çfarë opozite paskan ndërmend të bëjnë në këtë legjislaturë!”, shkruan Manja.
(S.SH/Shuplaka)
Discussion about this post