U arratis nga burgu grek, zbulohet identiteti i 22-vjeçarit shqiptar (Emri)

Është zbuluar identiteti i shqiptarit të arratisur mbrëmjen e kaluar rreth orës 21:30 nga burgu i Avlona në Greqi.

Ai është Albano Xhezairi 23-vjeç banues në Galaci, Athinë ndërkohë që personi tjetër është një 21-vjeçar sirian.

Personi i parë ka kapërcyer telat me gjemba mbi murin rrethues të burgut duke mundur kështu ti arratiset policisë e cila ka qëlluar me armë zjarri mësohet se ka qenë Xhezairi.

Në vazhdim siriani ka goditur me grushte policinë ndërkaq të dy kanë marrë arratinë.

Burgu Avlona ndodhet ne periferinë e Athinës rreth 20 km larg dhe kryesisht vuajnë dënimin adoleshentët.Theksohet se në këtë burg kanë gjetur vdekjen dy femijë shqiptarë, ku njeri u vra nga polici gjatë një revolte për përmisimin e kushteve.

Gjithashtu dje në mëngjes gardianët e burgut në godinën “D” në Koridallo kanë gjetur të vdekur një 50-vjeçar grek i cili vuante dënimin për vjedhje.

(F.GJ/FAXWEB.AL)