Policia në Pukë ka arrestuar 20-vjeçarin Emirjon Nika i cili u arratis nga komisariati i policisë në Pukë psi ishte arrestuar për grabitjen me dhunë të një emigrant.
Ai u arratis një javë më parë, ndërkohë që familjarët i bënë apel publikisht për t’u dorëzuar në polici.
Policia e arestoi atë në fshatin Karmë, ku ishte i fshehur në një banesë. Ai u arratis para gjashtë ditësh(B.H/Shuplaka)
DETAJET E POLICISË:
Pas një operacioni të organizuar nga forcat e Komisariatit të Policisë Pukë, në bashkëpunim me forcat e Komisariatit të Policisë Vau Dejës, mbi bazën e një informacioni policor, në zonën e Karmës, gjatë rrugës për në Koman, ku qëndronte i fshehur, është kapur dhe ndaluar shtetasi:
Ermirjon Nikja 20 vjeç, lindur në Karmë, Vau Dejës, banues në Laprakë, Tiranë, i denuar edhe mëparë për disa vepra penale.
Më datë 09.09.2017, gjatë kohës që po përgatitej dokumentacioni për transferim në dhomat e paraburgimit të Komisariatit të Policisë Shkodër, është larguar nga dhoma e shoqërimit të Komisariatit të Policisë Pukë
Ky person dyshohet se është autor i grabitjes me dhunë në Gomsiqe të një shtetasi, ngjarje e ndodhur më datë 24.08.2017, ku Gjykata Rrethit Pukë ka vendosur masën e sigurisë “Arrest në burg”, ndaj tij.
