Detaje të reja janë zbardhur pas arrestimit një ditë më parë të një shtetasi nga Kosova, i dënuar në mungesë, nën akuzën e terrorizmit.
Strukturat e Antiterrorit arrestuan në pikën kufitare të Morinës, shtetasin Enos Begolli 30 vjeç. I lindur dhe banues në Mitrovicë, rezultoi se ishte i dënuar nga Gjykata në Kosovë për terrorizëm.
Së fundmi, nga një portal online bëhet me dije se si autoritetet shqiptare të sigurisë zbuluan në Shqipëri luftëtarin e ISIS-it, të shpallur në kërkim në Kosovë.
Mësohet se strukturat e Antiterrorit kanë rënë në gjurmët e tij, pasi kanë qenë në ndjekje të personave të tjerë të dyshuar për terrorizëm.
Sipas këtyre të dhënave, 30-vjeçari nga Kosova mësohet se ka ardhur dhe ka kontaktuar disa persona që janë në survejimin e strukturave të Antiterrorit.
Nisur nga këto kontakte, ai është mbajtur në mbikëqyrje gjatë gjithë qëndrimit të tij këtu. (XH.A/SHUPLAKA)
