Gjykata e Shkodrës ka lënë në burg për 40 ditë, Marrash Arrajn, pasi akuzohet se vrau me armë zjarri kushëririn e tij Lazër Arraj, pak ditë më parë në Shkodër.
Vendimi u dha nga gjykata e Shkallës së parë në Shkodër. Është vetë prokurorja e çështjes Esmeralda Ndoci ajo e cila kërkoi kete mase sigurie me afat për të pritur aktet e ekspertimit të rrobave dhe prova të tjera plotësuese.
Në sallën e gjyqit i dyshuari nuk ka pranuar akuzat ndaj tij duke thënë se nuk ka asnjë lidhje me vrasjen. Ndërkohë gjyqtare e çështjes Ermira Dedja.
26 vjeçari Marash Arraj u arrestua pak ditë më parë, pasi dyshohet se vrau me armë zjarri kushëririn e tij Lazër Arraj.
Fax News raporton se gjatë dëshmisë së tij para oficerëve të policisë gjyqësore, ai ka mohuar akuzat duke e mohuar vrasjen dhe duke deklaruar se nuk është ai autori i aktit të rëndë.
Ai ka deklaruar në polici se “rreth orës 10 ka degjuar dy krisma, ndërkohë që bashkë me të atin dhe të vellain kanë dalë për të parë dhe aty kanë gjetur kushëririn e tyre të vrarë.”
Policia ka gjetur dy gezhoja automatiku në tokë, ndërkohë që plagët e gjetura në trupin e viktimës tregojnë se ai është qëlluar nga pas pasi dy plagët janë në pjesen e shpinës së viktimës.
Ndërkohë mësohet se familjarët e Marash Arrajt kanë qenë në varrimin e 55-vjeçarit.
Një ditë më parë policia bëri me dije se kjo ngjarje dyshohet të ketë ndodhur për shkak të konflikteve të mëparshme mes familjeve.
(M.Q/Faxweb.al)
Discussion about this post