Ish-trajneri i kombëtares së femrave në futboll dhe ish-portier i Vllaznisë Armir Grima, i arrestuar së bashku me grupin Bajri, është liruar sot nga Gjykata e rrethit Shkodër.
Prokuroria e këtij rrethi ka verifikuar se ai nuk ka kryer veprën penale të shitjeve të ndeshjeve për të cilën qëndronte me masën detyrim paraqitje prej disa muajsh, dhe kjo ka bërë që Grima ti rikthehet aktivitetit normal të tij.
Grima u arrestua në kuadër të operacionit “Volvo 4”, si anëtar i grupit Bajri, i dyshuar se ishte përfshirë në trukimin e ndeshjes së Kategorisë së Parë mes Vllaznisë B dhe skuadrës së Tërbunit të Pukës. Por këto akuza nuk janë provuar.
