Gjykata e Krimeve të Rënda ka ndryshuar masën për Emrah Plakun mbi të cilin rëndonte akuza pë “Prodhim dhe mbajtje pa leje të armëve dhe municioneve luftarake”
Gjykata e Krimeve të Rënda ka urdhëruar që Plaku të mos largohet nga banesa e tij në Shkodër dhe mund të komunikojë vetëm me avokatin e tij.
Kujtojmë që Plaku u arrestua në 6 shtator të vitit të kaluar, pjesë e grupit ‘Bajri’.
Në shtatorin e kaluar gjashtë nga nëntë të arrestuarit e grupit “Bajri” kundërshtuan masën e sigurisë “arrest me burg”. Avokati i tyre ka depozituar kërkesën e këtyre të fundit, për lirim nga burgu dhe një masë më të lehtë sigurie. Ankimimet ishin depozituar në Gjykatë nga avokati Arbër Hoxha (lexo këtu).
Kujtojmë gjithashtu se ndaj grupit “Bajri” rëndojnë akuzat, akuzat: “Vrasje me dashje e mbetur në tentativë”, në bashkëpunim, “Vrasje me dashje”, e kryer në bashkëpunim, “Prodhim dhe mbajtje pa leje të armëve dhe municioneve luftarake”, “Organizim i llotarive të palejuara”, “Pastrim i produkteve të veprës penale” të kryer në bashkëpunim, “Shtrëngim me anë të kanosjes ose dhunës për dhënie të pasurisë”, kryer në bashkëpunim, “Përkrahje e autorit të krimit”, ‘Moskallëzim krimi”, “Prodhim e shitje e lëndëve narkotike”.
(F.GJ/FAXWEB.AL)
