Policia arrrestoi ditën e sotme, 32 vjeçarin Besmir Lupi i cilësuar edhe si bashkëpunëtor i Met Kananit, i njohur ndryshe edhe si Eskobari i Ballkanit. Në njoftimin e policisë bëhej i ditur se ai u arrestua në Vlorë, por emri i tij u bë publik edhe më herët, madje edhe roli që kishte në bandën e Met Kananit.
Emri i tij u bë publik që më 11 maj të 2018 në kuadër të operacionit “Precizioni” ku u shkatërrua grupi kriminal i “Eskobarit” të Ballkanit, Met Kananit. Në njoftimin për shtyp të kësaj date, policia shkruante se: Në fund të veprimeve policore, u ekzekutua vendimi Nr.96, i datës 11 maj 2018 të Gjykatës së Shkallës së Parë për Krimet e Rënda, e cila kishte caktuar masën e sigurisë personale “Arrest me burg”, për: B.Ll., 32 vjeç, banues në Vlorë (aktualisht në burg në Turqi). Lupi në skemën e policisë ishte një transportues.
\
