Janë zbardhur emrat e shefit të logjistikës së burgut 313 dhe biznesmenit që u vunë në pranga ditën e djeshme së bashku me drejtorin e burgut 313 Eduart Struga nën akuzën për veprën penale, “Korrupsioni pasiv i personave që ushtrojnë funksione publike”.
Burime bëjnë me dije se dy shtetasit e tjerë të arrestuar janë Florian Ahmetaj dhe Ervin Kurtulla.
Dy zyrtarët dyshohet se kanë kërkuar dhe marrë rreth 550 mijë lekë nga biznesmeni Ervin Kurtulla, në shkëmbim të marrjes së lejës së minimarketit, që ndodhet brenda burgut “313”.
Shefit të logjistikës së burgut 313, Florian Ahmetajt iu sekuestrua, në cilësinë e provës materiale, shuma prej 100 mijë lek, objekt përfitimi të parregullt.
Këta shtetas pritet të dalin të hënën para togave të zeza për t’iu caktuar masa e sigurisë.
Discussion about this post