Kryeministri Edi Rama ka reaguar pas inspektimit që ka zhvilluar ditën e sotme në kryeqytet, ku u has me disa pensionistë në rrugë të cilëve u bërtiste duke u thënë të shkojnë në shtëpi dhe që dëgjohej qartë në videon e filmuar nga Fax News.
Kryeministri ka konstatuar se situata në tregje paraqitej e mjaft pozitive, ndërkohë që shton se pensionistët që dalin nga shtëpia janë edhe më të rrezikuarit.
Duke i paraprirë komentuesve në rrjetet sociale pasi nuk kishte as maska as doreza, Rama shkruan “kemi përsëritur që maska e dorashkat nuk janë për kalimtarët, po të sëmurët, ata që kujdesen për një të sëmurë apo ata që e kanë punën me mundësi kontaktesh të afërta në tërësi.”
Postimi i plotë
“SOT NË DISA TREGJE TË TIRANËS KU SITUATA ISHTE MJAFT POZITIVE
? PROBLEM PENSIONISTËT QË DALIN NGA SHTËPIA, ÇKA ËSHTË E NDALUAR, SEPSE SHKALLA E RREZIKUT PËR TA ËSHTË SHUMË E LARTË
? RESPEKT MAKSIMAL PËR RREGULLAT DHE DURIM, DURIM, DURIM
*** dhe duke qenë se ju njoh mirë, po i dal përpara duke ju thënë aman, mos më shkruani ku e ke maskën e pse s’ke dorashka?
E e kemi përsëritur që maska e dorashkat nuk janë për kalimtarët, po të sëmurët, ata që kujdesen për një të sëmurë apo ata që e kanë punën me mundësi kontaktesh të afërta në tërësi…
Kalimtarët mjafton të respektojnë rregullat, sidomos distancën +1m, mosdhënien e dorës, përdorimin e gropës së brrylit nëse teshtijnë apo kolliten dhe janë të mbrojtur ?”- shkruan Rama.
