U ble 220 milionë Euro dhe nuk grumbullohet, çpo ndodh me Neymar

Të përjashtosh nga grumbullimi një futbollist që ka kushtuar 220 milionë euro duhet arsye më e fortë sesa një grindje e zakonshme në fushë.
Por incidentin mes Neymar dhe Cavanit duket se e kanë marrë seriozisht te Paris St. Germain. Sulmuesi brazilian është lënë jashtë grumbullimit të kryeqytetasve për sfidën e programuar ndaj Montpellier, të shtunën në orën 17:00.

Rrjeti “RMC” zbulon se motivi zyrtar është një problem fizik në këmbën e futbollistit të ardhur nga Barcelona, por në të vërtetë është ndëshkim për thyerjen e rregullave të klubit.

Lënia jashtë e Neymar vjen në fundin e një jave të trazuar te Parisi, kur mes brazilianit dhe uruguajanit Cavani pati përplasje për një penallti, dhe ata për pak sa nuk iu afruan konfliktit fizik.

Por sipas klubit transalpin, në të vërtetë trajneri Unai Emery kërkon ta ketë në dispozicion në formën maksimale për ndeshjen e së mërkurës, ndaj Bayern Munchen në Champions League, prova e dytë në turneun ku sheiku Al-Khelaifi po investon kohë dhe miliona.

(E.K/SHUPLAKA)