Burime të Fax News bëjnë me dije se SHÇBA ka arrestuar një oficer policie për dekonspirim të operacionit “One if-by land”, i cili çoi në goditjen e 7 grupeve kriminale që falsifikonin dokumentat dhe nxisnin migracionin e paligjshëm.
Shërbimi për Çështjet e Brendshme dhe Ankesat në Ministrinë e Brendshme ka vënë në pranga oficerin e policisë Adriatik Bakiasi.
Ky polic dyshohet se i ka çuar njoftim një pjese të grupit kriminal përpara se do të arrestoheshin.
Mësohet SHÇBA monitoroi operacionin me qëllim mosdaljen e sekretit. Ky monitorim solli pikërisht edhe zbulimin e punonjësit të policisë, i cili është arrestuar mbrëmjen e djeshme.
Bëhet me dije se për shkak të dyshimeve për dekonspirim, u morën masa dhe u ndryshua menjëherë taktika për arrestimin e rreth 50 personave.
Mësohet se mes 40 të arrestuarve, rreth 40, ka zyrtarë dhe efektivë policie. Mendohet që pjesë e kësaj skeme të jenë më tepër se 60 persona.
Qytetarët paguanin nga 15 deri në 20 mijë euro, në këmbim të dokumenteve për të emigruar në Evropë, SHBA ose Kanada.
(E.L/Faxweb)
