Banorët e fshatit Kraps në qytetin e Fierit kanë protestuar ditën e sotme për dëmtimin e tokave të tyre të mbjella nga mjetet e rënda të cilat do të shtrojnë rrugën e “Gjorgozit”.
Banorët shprehen për FaxNews se përpara pesë viteve u gjendën në të njëjtën situatë, pasi tokat e tyre u dëmtuan nga mjetet e rënda të ushtrisë, të cilët ndërtuan urën e Krapsit dhe në lidhje me dëmtimin e shkaktuar ata nuk morën asnjë dëmtim nga pushteti lokal ose qendror.
Një qytetar shprehet për FaxNews se nuk është kundër ndërtimit të rrugës, por pa marrë dëmshpërblimin e mëparshëm dhe pa marrë dëmshpërblim për dëmtimin e tanishëm, ai nuk do të lejojë kalimin e mjeteve në tokën e tij të mbjellë me jonxhë.
“Jam një qytetar, para 5-6 vitesh kushëririt tim i kam marrë me qera 1500 metra tokë. Gjatë këtyre viteve e kam mbjelllë me jonxhë dhe e kam korrur.
Kur u ndërtua ura këtu përpara 5-viteve u prishën 350 metra katrorë tokë jonxhë dhe nuk na dhanë asnjë lekë. Tani duan të hapin rrugë të re nën orë të hidhen makina nga ana tjetër dhe sërish do na dëmtojnë të mbjellat, kur ne nuk kemi marrë lekët e dëmshpërblimit të parë.
Unë këtu kam hedhur 10 kile farë jonxhë, plus punën, plu mundin e hedhur.
Jam dakord që rruga të bëhet por që mua të më japin paratë dhe dëmshpërblimin”, tha një prej poseduesve ku do të dëmtohet nga mjetet e rënda.
Discussion about this post