U dënua me 1 vit burg, Salianji i vendosur: Nuk më izolojnë dot, më bëjnë të privilegjuar

Gjykata e Shkallës së Parë ka dënuar më 1 vit burg ish-deputetin demokrat Ervin Salianji për dosjen “Babale”, pasi akuzohet për “kallëzim të rremë”.

Gjatë një deklaratë për mediat, Salianji u shpreh se askush nuk e izolon dot dhe se ky gjyq e bën të jetë më i privilegjuar.

“Është marrë një vendim e shkruar shumë kohë më parë. E pabazuar në prova dhe në fakte, vetëm në dëshirën e kryeministrit.Ka disa shkelje të qarta.

Nuk ka mafia, nuk ka llum, që më ndalin dot dhe as nuk më izlojnë dot. Kanë tërhequr këtë lluc këtu ku janë për të krontrolluar gjyqtarë dhe prokurorë që e kanë të partisë të vet. 

Më bëjnë të privilegjuar që jam unë në këtë proces kundër socialistëve, më bëjnë që të jenë me shumë i rëndësishëm. Nuk me tremb aspak. Do të kemi kohë për të folur për skandale të tjera.”- u shpreh Salianji.

Gjykata e Tiranës ka vendosur masën “arrest me burg” për ish deputetin Ervin Salianji, për çështjen Babale, dhe masa do të ekzekutohet në burg, pasi ka rënë kërkesa e Prokurorisë për ta konvertuar në “shërbim prove”.

Gjykata ka vendosur të dënojë me 1 vit burg ish-deputetin e PD-së Ervin Salianji me akuzën “kallëzim i rremë”, 1 vit burg. Ndërkohë Fredi Alizoti është dënuar me me 2 vite burg, për “Kallëzim të rremë”.

Albert Veliu- 10 muaj burg për kalim kufiri, kallëzim i rremë 2 vite e 10 muaj burg, në total ka marrë 3 vjet e 5 muaj burg.

Gazetari Jetmir Olldashi po ashtu i akuzuar për “kallëzim të rremë” është dënuar me 6 muaj burg, që zëvendësohet me 100 orë punë.

Gjykata konstaton që duhet të dënohen për veprat penale që akuzohen, kryesisht kallëzim i rremë. Rrethanë lehtësuese për Fredi Alizoti si bashkëpunëtor, pasi është paraqitur vetë dhe ka treguar ngjarjen. Gjykata pranon kërkesën për pranimin e shërbimit të provës për Jetmir Olldashi, me 200 orë punë.