Familjarët e 27-vjeçarit Enea Ftoi, i cili u gjet i vdekur paraditen e sotme në paraburgimin e Komisariatit të Korçës, kanë tërhequr nga morgu trupin e djalit të tyre pasi ka përfunduar ekspertiza mjeko-ligjore nga ekspertët e Institutit të Mjekësisë ligjore.
Por përgjigjet pritet të dalin pas tre javësh. Familjarët e viktimës akuzojnë policinë për vdekjen e djalit të tyre, pasi në trupin e tij janë gjetur shenja dhune.
27-vjeçari ka shenja të dukshme dhune në fytyrë, kokë, krahë dhe shpatulla. ‘Fax Web’ posedon dhe pamje të shenjave të dhunës por për shkak se ato janë mjaft të rënda ka zgjedhur të mos i publikojë.
Pritet që rezultatet e ekspertizës mjeko-ligjore do të zbardhin shkakun e vërtetë të vdekjes së 27-vjeçarit, baba i tre fëmijëve. (B.H/Faxweb)
Discussion about this post